Stjarnan náði yfirhöndinni 2-1 í einvígi Stjörnunnar og Grindavíkur í átta liða úrslitum Domino´s deildar karla.
Leikið var í Mathús Garðabæjar höllinni í Ásgarði og fór leikurinn 98-81 og nægir því Stjörnunni einn sigur í viðbót til þess að tryggja sér sæti í 4. liða úrslitum.
Næsti leikur er í Grindavík á föstudaginn og hvetjum við alla Garðbæinga til að mæta og hvetja okkur áfram.
Ægir Þór Steinarsson 27/8 fráköst/6 stoðsendingar, Antti Kanervo 26/6 fráköst, Brandon Rozzell 23/5 fráköst, Hlynur Elías Bæringsson 11/12 fráköst/5 stoðsendingar, Collin Anthony Pryor 6/10 fráköst, Arnþór Freyr Guðmundsson 3, Tómas Þórður Hilmarsson 2/6 fráköst.
