Rúnar Sigtryggsson á hliðarlínunni í dag. Það var flottur karakter í liði Stjörnunar á móti ÍBV, eftir að hafa fengið skell í fystu umferð á móti Aftureldingu. Stjarn­an tapaði 35:32 í Olís-deild karla í kvöld þegar liðið lék við meist­ara ÍBV í Eyj­um. Liðið náði for­yst­unni þegar lítið var eft­ir af leikn­um en náðu ekki að halda út gegn öfl­ugu liði ÍBV. Rún­ar Sig­tryggs­son, nýr þjálf­ari Stjörn­unn­ar, sagðist vera ánægður með það hvernig hans leik­menn nálguðust leik­inn. „Við lögðum upp með að nálg­ast leik­inn öðru­vísi held­ur en við gerðum í fyrstu um­ferðinni á móti Aft­ur­eld­ingu. Ég myndi segja að það hafi tek­ist, þó svo að það vanti nokkra, þá fannst mér að á meðan leikn­um stóð þá vantaði ekki neinn. Ég var hel­víti ánægður með mína menn, við gáf­um allt í þetta. Við vor­um komn­ir sex mörk­um und­ir í fyrri hálfleik og samt náum við að kom­ast yfir á réttu mó­menti, þá för­um við að hugsa aðeins of mikið. Heilt yfir er ég mjög ánægður en ég hefði viljað að varn­ar­leik­ur­inn hefði verið aðeins betri, mörg mörk­in þeirra voru of ein­föld,“ sagði Rún­ar en liði Stjörn­unn­ar var spáð í kring­um 7. – 8. sætið á flest­um stöðum. Vörn og markvarsla áttu ekki sam­leið í liði Stjörn­unn­ar í dag fyr­ir utan mjög stutta kafla í hvor­um hálfleik fyr­ir sig og má sjá það nokkuð auðveld­lega á því að liðið fékk á sig 35 mörk í kvöld. „Ég myndi segja það, ef maður skoðar hverj­ir eru að skora mörk­in þá er greini­legt að Beggi (Sig­ur­berg­ur Sveins­son) var mjög áber­andi í fyrri hálfleik og línu­spilið. Við náðum að loka á það en þurft­um að taka Begga út, þá kom Kristján (Örn Kristjáns­son) í staðinn og setti mörk sem héldu þeim í við okk­ur á þess­um kafla. Í rest­ina eru það í raun sókn­ar­mis­tök okk­ar sem klára leik­inn fyr­ir ÍBV.“ Rún­ar seg­ir það vera grát­legt að eft­ir að liðið hafi kom­ist yfir þegar svona lítið var eft­ir af leikn­um að liðið fái ekki að minnsta kosti stig. „Það er mjög sárt að fá ekki eitt stig úr þess­um leik úr því sem komið var. Við erum í sár­um því að strák­arn­ir lögðu sig alla fram, ég ætla samt að vona að þeir skilji að það er miklu skemmti­legra að spila hand­bolta svona held­ur en eins og við gerðum í fyrstu um­ferðinni. Þetta var allt annað og það var allt annað að stjórna gæj­un­um held­ur en í fyrsta leik.“ Blaðamaður kannaði það hvort að Rún­ar hefði hlustað á þátt­inn Hand­kastið sem fór yfir fyrstu um­ferðina í podcasti, en þar sagði ann­ar af stjórn­end­um þátt­ar­ins að í Stjörn­unni væru bara aum­ingj­ar. Rún­ar vildi ekki svara því. „Nei, maður rífst ekki við fjöl­miðlamenn.“ Nokkr­ir leik­menn eru fjarri góðu gamni hjá Stjörn­unni en þeir Ari Magnús Þor­geirs­son, Ari Pét­urs­son og Eg­ill Magnús­son eru all­ir frá vegna meiðsla og þá er Svein­björn Pét­urs­son í banni. Held­ur Rún­ar að liðið muni líta bet­ur út þegar þess­ir leik­menn skila sér inn? „Við sjá­um til, ég er ánægður með það sem ég var með í dag, mjög ánægður,“ þá sagði Rún­ar að hann væri ekki viss um hve langt væri í að þess­ir leik­menn sem hafa verið að glíma við meiðsli komi inn. „Ég veit það ekki, þetta gæti verið vika, kannski lengra, en eins og ég segi þá er ég ánægður með það sem ég hef í dag, á því byggj­um við í næsta leik.“ Olís-deild­in hef­ur farið af stað með krafti þar sem þrjú jafn­tefli voru í fyrstu um­ferðinni og KA-menn unnu stór­sig­ur gegn Hauk­um norðan heiða í dag. „Það hef­ur aldrei neinn orðið meist­ari í októ­ber þannig við skul­um bara sjá til hvernig þetta þró­ast. Deild­in fer þó mjög vel af stað með óvænt­um úr­slit­um og þetta er spenn­andi, það er ekki hægt að segja annað,“ sagði Rún­ar að lok­um sem sneri til baka í ís­lensku deild­ina fyr­ir tíma­bilið.

Klár­lega bæt­ing frá síðasta leik

Aron Dag­ur Páls­son átti góðan leik í liði Stjörn­unn­ar sem tapaði naum­lega 35:32 fyr­ir meist­ur­um ÍBV í Vest­manna­eyj­um í kvöld, þegar 2. um­ferð Olís-deild­ar karla fór fram. „Við erum ánægðir með frammistöðuna að mörgu leyti, þetta er klár­lega bæt­ing frá síðasta leik, það þurfti ekki mikið til að gera bet­ur en þar. Þetta er mjög góður leik­ur hjá okk­ur í 50-55 mín­út­ur en svo ger­um við klaufa­leg mis­tök í lok­in,“ sagði Aron Dag­ur en vörn Stjörn­unn­ar var ekki upp á marga fiska þar sem Eyja­menn skoruðu 18 mörk í fyrri hálfleik og 17 í þeim síðari. „Þetta er auðvitað bara hraður leik­ur, hann fer 35:32, það eru marg­ar sókn­ir og mörg færi en vissu­lega hefði vörn­in getað verið tölu­vert betri.“ Aron Dag­ur fann sig vel sókn­ar­lega í dag þar sem hann skoraði átta mörk og átti þrjár stoðsend­ing­ar. „Það vant­ar fullt af fólki hjá okk­ur og það var aðeins verið að spila upp fyr­ir mig í dag og það gekk al­veg fínt. Þau fóru samt ekki inn þegar þau skiptu máli þarna í lok­in,“ sagði Aron Dag­ur en hann vitnaði þar í tvö skot hjá sér á síðustu mín­út­un­um sem rötuðu ekki í netið. Hann talaði þó um að það hafi verið grát­legt að ná ekki að klára leik­inn eft­ir að hafa verið yfir þegar lítið var eft­ir. „Al­gjör­lega, mér fannst við vera komn­ir með þá um miðjan seinni hálfleik­inn, þeir voru í vand­ræðum sókn­ar­lega, við skoruðum í hverri sókn. Þeir eru með fullt af leik­mönn­um með gæði sem kikkuðu inn und­ir lok­in og kláruðu þetta fyr­ir þá.“ Marg­ir leik­menn eru fjarri góðu gamni hjá Stjörn­unni en hvernig líst Aroni á fram­haldið hjá Stjörnu­mönn­um þegar þess­ir leik­menn hafa skilað sér inn í liðið? „Ég er full­ur bjart­sýni þegar all­ir hafa komið inn, við með full­an hóp og við spil­um eins og menn, þá vinn­um við mörg lið í deild­inni, það er klárt.“ Hvernig finnst Aroni Olís-deild­in hafa farið af stað, þar sem þó nokkuð af óvænt­um úr­slit­um hafa litið dags­ins ljós í fyrstu tveim­ur um­ferðunum, ber þar helst að nefna 31:20 sig­ur KA-manna á Hauk­um fyrr í dag. „Þú seg­ir mér frétt­ir þarna, þetta fer vel af stað, þetta eru allt hörkulið. Það hafa tvö lið komið upp með sterk­an heima­völl og það verða all­ir leik­ir erfiðir leik­ir, það er klárt mál.“